‎ The Farmer Times၊ အောက်တိုဘာလ ၂၁ ရက်၊ ၂၀၂၆။

‎သကြားစက်ရုံတွေကနေ ကြံစိုက်တောင်သူတွေကို ကြိုတင်ငွေ ထုတ်ပေးဖို့ သတ်မှတ်တဲ့ ကြမ်းခင်း ဈေးက အရင်နှစ်နဲ့ယှဉ်ရင် ကြံတစ်တန်ကို ကျပ်သုံးသောင်းကျော်ထိ လျော့ကျသွားတာကြောင့် တွက် ခြေမကိုက်နိုင်ဘူးလို့ ပဲခူးတိုင်းဒေသကြီး( အနောက်ပိုင်း)က ကြံတောင်သူတွေက ပြောဆိုကြပါတယ်။

‎အခုနှစ် သကြားရာသီအတွက် ဒေသအလိုက် စိုက်ဧကနဲ့ အထွက်နှုန်းပေါ်မူတည်ပြီး၊ ကြိုတင်ချေးငွေ ထုတ်ပေးရာမှာ ကြံတစ်တန်ကို ၁၃၉,၀၀၀ ကျပ်သာသတ်မှတ်ထားလို့၊ ကြံစိုက်စရိတ် အရင်းအနှီးနဲ့ယှဉ် ရင် အမြတ်သိပ်မကျန်ဘူးလို့လည်း ကြံစိုက်သူတွေက ဆိုပါတယ်။

‎ပြီးခဲ့တဲ့နှစ်က ကြံစိုက်တောင်သူတွေကို ကြိုတင်ငွေထုတ်ပေးရာမှာ နယ်မြေဒေသအလိုက် ကြံတစ် တန်ကို အနည်းဆုံး ကျပ် ၁၂၀,၀၀၀ မှ အများဆုံး ကျပ် ၂၀၀,၀၀၀ အထိ ဈေးပေါက်ခဲ့တာ ဖြစ်ပါတယ်။

ကြိုတင်ငွေထုတ်ပေးမှု လျော့ကျသွားပေမယ့် ကြံစိုက်ခင်းတွေကနေ စက်ရုံကို သယ်ယူရတဲ့ ကားတန် ဆာခတွေကတော့ မြင့်တက်လာတယ်လို့ တောင်သူတွေက ပြောဆိုထားပါတယ်။